Vi piace a biera ma dinù u yogà ? U yogabiera hè fattu per voi :
Di fatti, si pò oramai addunisce l'aspirazione à a serenità è a passione di e briachine. Sta moda di a ginnàstica à u contuaru chì si praticheghja digià in certe brasserie alemane o mericane hà da scalà in Corsica cù i turisti. Hè megliu à priparassi.
A pràtica di u yogabiera, l'avete capita, permette d'apre i so « chakra » (i so centri spirituali, i punti di conghjunzione di l'energia) ancu più in furia ch'è u yogà tradiziunale.
Si pò, per esempiu, mantene e positure di u cobrà o di u lotu cù una bieruccia in equilibriu nant'à a chjocca, o aduprà una buttiglia cum'è pesu o contrapesu pè stinzà o sviluppà i musculi.
Ma u più interessante hè di sicuru di pruvà u veru yogà-pompetta : mantene a positura di u Cane-capu-in-ghjò o di a Cigogna è beie à surpatoni.
A pràtica di u yogabiera, l'avete capita, permette d'apre i so « chakra » (i so centri spirituali, i punti di conghjunzione di l'energia) ancu più in furia ch'è u yogà tradiziunale.
Si pò, per esempiu, mantene e positure di u cobrà o di u lotu cù una bieruccia in equilibriu nant'à a chjocca, o aduprà una buttiglia cum'è pesu o contrapesu pè stinzà o sviluppà i musculi.
Ma u più interessante hè di sicuru di pruvà u veru yogà-pompetta : mantene a positura di u Cane-capu-in-ghjò o di a Cigogna è beie à surpatoni.
Dopu àuna duzina di biere, tuttu u mondu a dice, i chakra si spalancanu : u cerbellu cinnuleghja, u billicu si dilata è u sangue bullicineghja. Tuttu và bè.
Vulete chì Stella Maria a patrona di u caffè diventessi u vostru gurù è vi guidi ver di u Nirvanà ? Basta à dumandà.
O Stè, pè piacè, dammi una antra biera ch'aghju da pruvà a pusitura di u Corbu o quella di l'Angulu Maiò.
Vulete chì Stella Maria a patrona di u caffè diventessi u vostru gurù è vi guidi ver di u Nirvanà ? Basta à dumandà.
O Stè, pè piacè, dammi una antra biera ch'aghju da pruvà a pusitura di u Corbu o quella di l'Angulu Maiò.
Per San Valentinu, manda a to cartulina d'amore pulitica
